Leiðarbók í Nám og kennsla á netinu

2003-02-17T15:32:00.000-08:00

Ekki er það nú uppbyggilegt núna hjá mér!
Ég hef verið að velta því fyrir mér hvort ég eigi að hætta í kúrsinum. Skipulagið klikkaði og við því er ekkert að gera. Kannski er ég
bara með svolítið of mikið á minni könnu núna. En maður verður að velja og hafna og þá er bara hvað verður ofaná? Ekki getur maður hætt að vinna því þá hefur maður ekki efni á að lifa. Og ekki skilar maður fjöldkyldunni eða setur hana í pásu. Maður getur jú kanski lagt vinina, áhugamálin og félagsstörfin til hliðar í einhvern tíma!!!!!!!!! Svo er það þetta nám. Það er vissulega alveg frábært, en ég er alls ekki að sinna því sem skyldi. Málið er bara að það er ekki svo auðvelt að hætta. Ég er t.d. með kennsluafslátt út á það og svo borgaði sveitarfélagið fyrir mig námskeiðsgjaldið. Hvað á ég að gera?
Læt ykkur vita hvað ég ákveð.

2003-02-11T06:53:00.000-08:00

Halló aftur.
Allt í einu er víst liðin vika síðan ég skrifaði og það er nú víst ekki gott mál! Málið með mig er að ég er tarnamanneskja en það er víst
ekki það sem mér sýnist ætla að virka í þessum kúrsi. Þannig að ég verð víst aldeilis að taka mig á og reyna að skipuleggja mig, sem ég geri nú reyndar stundum, og standa við skipulagið. Það verður nú öllu erfiðara!! Ég hef sum sé ekki verið nógu aktíf, bara aðeins búin að fikta í Dreamveaver en er ekki komin neitt lengra með heimasíðuna. En skipulagið mitt fyrir þessa vikur verður því:
-vinna í kvöld í a.m.k. 1og1/2 klst.
-vinna annaðkvöld - I I -
- vinna um helgina a.m.k. 2 klst.
Einhver góð manneskja ráðlagði mér nefnilega einhverntíman að hafa markmiðin frekar smærri og standa frekar við þau!
Það verður líka gaman að koma heim á eftir og vita hvernig heimilistölvan hefur það. Leigjandinn minn sýndi mér nefnilega í gærkvöldi hvernig gott væri að láta hana raða sjálfa aftur upp á harða diskinn og sagði að það væri gott að láta hana gera það yfir nótt því það tæki svolítinn tíma. Í morgun þegar ég fór svo að heiman um hálf átta leitið var vinkonan bara búin með 10%! Eitthvað mikið að gera hjá henni blessaðri.
Læt heyra í mér í vikunni hvernig gengur með markmiðin.

2003-02-04T02:57:00.000-08:00

Tengingarnar virkuðu víst ekki allar hjá mér. Best að reyna aftur:
Íslandsvefurinn og mynd af mér!
Athugum svo hvað gerist!

2003-02-04T02:43:00.000-08:00

Jibbí-jei!
Loksins tókst mér með hjálp að koma skila-síðunni minni út á vefinn. Og vonandi kann ég það hér eftir-en, ég er samt ekki alveg viss!!!
En ég er í vinnunni núna svo ég ætla ekki að skrifa meira að sinni.
Heyrumst aftur í kvöld eða þá á morgun!

2003-02-02T06:10:00.000-08:00

Halló, halló!
Frábær leikurinn á HM áðan. Íslendingar komnir áfram á Ólympíuleikana!!! Áfram Ísland.
Því miður gekk ekki jafn vel hjá mér og aðstoðarkonu minni áðan við að reyna að koma síðunni minni á vefinn. Við erum einna helst
á því að þeir hjá Ísmennt séu ekki tilbúnir með þetta. Í það minnsta kemur tölvan alltaf með villubendingu á "hostinn" en ég sló allt rétt inn. Ég verð víst bara að hafa samband við þá í fyrramálið. Ætla nú samt að láta samstarfskonu mína, sem er vön í Dreamweaver, að kíkja á þetta fyrst og segja mér hvort ég hafi gert allt rétt. En það þýðir náttulega að ég er fallinn á tíma! ÚPPS-Hvað gerist nú?

2003-02-01T14:28:00.000-08:00

Ég gleimdi víst að tengja í mynd. Ég man samt ekki hvort það átti endilega að vera mynd af mér eða bara einhverja mynd.
Best að sýna ykkur hvernig ég lít út!

2003-02-01T14:18:00.000-08:00

PÚFF-PÚFF og halló öll! Það ætlar ekki af mér að ganga. Í gær þegar ég var búin að skipuleggja stund fyrir námið mitt þá.....
já auðvitað veiktist ég og ekki nóg með það heldur dóttir mín líka. Ælupest, hiti, beinverkir, kuldi og bara nefnið það. Svo það varð ekkert af lærdómi þá.
En, heilsan er miklu betri í dag svo það er jafn gott að láta hendur standa fram úr ermum!
Varðandi vefrallýið, sem ég hef hugsað töluvert um, þá einhvernvegin langar mig mest að hafa það um landafræði og jarðfræði Íslands! Ég er nefnilega að fara að byrja að kenna það í næsta mánuði hjá bekknum mínum. Það eina sem truflar mig er að mig minnir að Salvör hafi verið að tala um að margir væru búnir að gera akkúrat þetta svo ég er kannski að bera í bakkafullann lækinn? En a.m.k. hafa mér dottið í : Íslandsvefurinn, Á ferð um Ísland og Ferðanetið.
Ég er búin að útbúa einhverja "basic-síðu" fyrir mig til að byrja með á netinu og ætlaði að setja hana inn áðan en eitthvað vantar uppá. Ég er búin að slá inn miðlarann, notendanafnið, lykilorðið og það allt en það vantar ennþá eitthvað. Átti maður ekki einhvernveginn að draga þetta yfir? En ég reyni betur á eftir og vonandi fer síðan inn. Slóðin á vefninn verður: http://www.ismennt.is/not/katrino
href="http://www.ismennt.is/not/katrino">http://www.ismennt.is/not/katrino

Framtíðarsýnin mín
er sú að innan 10 ára verða allir nemendur í grunnskólum landsins með fullan aðgang að tölvu í öllum kennslustundum. Þá á ég við að ef þeir eiga ekki sína eigin fartölvu´(eða e.t.v. lófatölvu) þá hafi þeir aðgang að slíkum í skólanum. Sum sé heilt bekkjarsett af fartölvum/lófatölvum í hverri kennslustofu! Á sama tíma verða komnar tölvur inn í alla leikskóla landsins.
Á næstu 10-20 árum eignast jafnframt öll heimili landsins myndsíma!
Eftir 30 ár verður a.m.k. sími, sjónvarp, talva og dvd(eða hvað það verður nú þá!) staðalbúnaður í öllum nýbyggðum húsum/íbúðum.
Og síðast en ekki síst lækkar lífaldur okkar um 10-20 ár vegna alls þessa! Og ekki misskilja mig, ég er ekki á móti tækninni en áreitið er orðið svo mikið og fer aukandi og hraðinn í þjóðfélaginu jafnframt mjög mikill og við hugsum ekki nógu vel um líkama okkar til jafns við alla þessa tækni!!!
Jæja kveð að sinni og fer að reyna við heimasíðuna!

2003-01-30T06:40:00.000-08:00

Halló aftur. Varðandi tölvuaðbúnað hjá mér þá hef ég bæði mína eigin heimatölvu PC og jafnframt aðgang að tölvu í skólanum þar sem ég kenni. Ég nota tölvuna í skólanum langtum meira, a.m.k. allt sem varðar netið´, því þar er að sjálfsögðu sítenging. Í tölvunni í skólanum er búið að setja upp Dreamweaver 4 og Fire Works 4 og verið að bíða eftir nýju útgáfunni. Heima er ég búin að "dávnlóta" Dreamweaver MX. Ég er búin að fá netsvæði hjá Ísmennt svo það er ekki eftir neinum að bíða svo ég held heim á leið að prófa forritið!

2003-01-30T01:29:00.000-08:00

Halló öllsömul! Ég ætla sko rétt að vona að þetta virki núna. Ég er orðin svolítið stressuð yfir að vera ekki komin betur af stað
en allt hefur þetta sínar ástæður. Alla seinustu viku var ég á vegum skólans míns (BES) á ráðstefnu í Leeds í Englandi varðandi
Nýsköpunarkennslu! Mjög gaman en setti mig gjörsamlega á eftir áætlun í náminu. En ekki meira kvart og kvein og byrja nú á
kynningu á sjálfri mér.
Ég heiti fullu nafni Katrín Ósk Þráinsdóttir og bý í Einarshúsi á Eyrarbakka. Annars er ég uppalinn á sveitabæ, Oddakoti, sem er
í A-Landeyjum í Rangárvallasýslu. Eftir grunnskóla fór ég á Selfoss í FSU og útskrifaðist þaðan 1994 sem stúdent af íþr.braut. Þá
lá leiðin stuttu seinna í Íþróttakennaraskóla Íslands og þaðan útskrifaðist ég 1997. Síðan þá hef ég starfað sem kennari við BES
(Barnaskólann á Eyrarbakka og Stokkseyri). Fyrst sem íþr. og sundkennari, þá náttúrufræðikennari og nú seinustu ár sem bekkjarkennari á miðstigi. Í vetur kenni ég 5.bekk.
Eiginmaður minn heitir Þórir Erlingsson og hann starfar sem framkvæmdastjóri á TGI Fridays í Smáralind og saman eigum við tvö börn, Eydísi Líf f.1998 og Eyþór Ás f.2001.
Ætli sé ekki best að "post&publish" núna til að ath. hvort þetta virki!